భార్య ఊరెళ్లడంతో.. ఇంట్లో ఒంటరిగా కూతురు రాత్రి ఇంటికి వచ్చి కన్న కూతురునే..

152
rape

దిశ, వెబ్‌డెస్క్: సమాజంలో మనుషుల మధ్య మానవత్వం, విలువలు కనుమరుగు అవుతున్నాయనడానికి ఈ ఘటనే నిదర్శనం. తండ్రి అంటే పిల్లలకు ఒక ధైర్యం. ఎలాంటి కష్టాలు, ఆపదలు రాకుండా చూసుకుంటాడని ఒక నమ్మకం. కానీ కంటికి రెప్పలా కాపాడాల్సిన తండ్రే కూతురు పాలిట కాలయముడయ్యాడు. కష్టాలు వస్తే చెప్పుకోవాల్సిన తండ్రే ఎవరికి చెప్పుకోలేని కష్టాన్ని కలిగించాడు.

పోలీసులు తెలిపిన వివరాల ప్రకారం.. ఓ ఆటో డ్రైవర్ కుటుంబం బంజారాహిల్స్ పోలీస్ స్టేషన్ పరిధిలో నివాసం ఉంటున్నారు. వారికి ఓ కూతురు, ఇద్దరూ కుమారులు ఉన్నారు. కాగా, కొన్ని రోజుల క్రితం అతని భార్య అనారోగ్యానికి గురి అయింది. దీనితో ఆమె కొన్ని రోజుల పాటు తన పుట్టింటికి వెళ్లాలనుకుంది. తన వెంట పిల్లలను కూడా తీసుకుపోవాలనుకుంది. కానీ భర్త దీనికి అంగీకరించలేదు. పిల్లలు తన దగ్గరే ఉంటారని చెప్పాడు. ఇతడి పాడు బుద్ధిని ఊహించని తల్లి వారిని తీసుకు వెళ్లాకుండానే పుట్టింటికి వెళ్లింది. రోజులాగే ఈ నెల 9న రాత్రి ఇంటికి వచ్చాడు.

ఇంట్లో భార్య లేదు.. దీనితో ఒంటరిగా నిద్రిస్తున్న కూతురిపై అతడి కన్ను పడింది. ఏ తండ్రి చేయకూడని పని చేశాడు. రాత్రి ఒంటరిగా నిద్రిస్తున్న కూతురి నోరు నొక్కి రెండు సార్లు ఆమెపై అత్యాచారం చేశాడు. బాధితురాలు ఉదయాన్నే జరిగిన విషయాన్ని తన సోదరుడికి చెప్పింది. వెంటనే వారిద్దరూ కలిసి తల్లి దగ్గరకు వెళ్లి జరిగిన విషయాన్ని చెప్పారు. విషయం విన్న తల్లి నిర్ఘాంతపోయింది. దీనితో ఆమె తల్లి వెంటనే హైదరాబాద్‌కు వచ్చి బంజారాహిల్స్ పోలీస్ స్టేషన్‌లో ఫిర్యాదు చేసింది. పోలీసులు పలు సెక్షన్‌ల కింద కేస్ నమోదు చేశారు. నిందితున్ని అరెస్ట్ చేసి రిమాండ్‌కు తరలించినట్లు పోలీసులు తెలిపారు.